Home > CCM > MBUNGE WA SONGEA MJINI LEONIDAS GAMA AFARIKI DUNIA, KUZIKWA JUMATATU KIJIJINI KWAO LIKUYUFUSI RUVUMA

MBUNGE WA SONGEA MJINI LEONIDAS GAMA AFARIKI DUNIA, KUZIKWA JUMATATU KIJIJINI KWAO LIKUYUFUSI RUVUMA

Aliyekuwa Mbunge wa Songea Mjini(CCM), Leonidas Gama anatarajiwa kuzikwa Jumatatu katika makaburi ya familia yaliyopo Kijiji cha Likuyufusi mkoani Ruvuma.
Gama aliyefariki dunia usiku wa kuamkia leo Ijumaa Novemba 24,2017 atazikwa Jumatatu Novemba 27,2017 katika makaburi hayo yaliyopo umbali wa kilomita 25 kutoka Songea mjini.
Issa Fussi ambaye ni msemaji wa familia na mdogo wa Gama amesema amefariki usiku wa kuamkia leo akipatiwa matibabu katika Hospitali ya Misheni ya Peramiho.
Amesema Gama alikuwa akisumbuliwa na shinikizo la damu na alipelekwa hospitalini hapo Jumatano Novemba 22,2017 usiku na kulazwa hospitalini hapo .
Fussi amesema msiba huo ni pigo kwa familia kwa kuwa Gama alikuwa nguzo akitegemewa katika masuala mbalimbali ya maendeleo na kifamilia.
Amesema mwili wa marehemu Gama umehifadhiwa katika Hospitali ya Peramiho na utaratibu wa mazishi unaendelea.

Leave a Reply

Your email address will not be published. Required fields are marked *